Mohamed Salah 'waa niyad jabay' markii ay liverpool u soo bandhigi wayday qandaraas cusub

Mohamed Salah ayaa qirtay inuu ka xun yahay inaan loo soo bandhigin qandaraas cusub oo Liverpool ah xilligan, isagoo qirtay inuu "malaha ka maqan yahay" sida ay wax u socdaan.

Salah ayaa ku dhow lixdii bilood ee ugu dambeysay qandaraaskiisa Liverpool, waxaana dhawaan la soo wariyay in weli ay jirto kala fogaansho weyn oo u dhexeeya labada dhinac ee wada xaajoodyada suurtagalka ah ee kordhinta.

Marka uu garoonka ku jiro, Salah wuxuu sii wadaa inuu wacdaro ka dhigo, isagoo labo gool ka dhaliyay axadii kulankii ay 3-2 kaga badiyeen Southampton, laakiin waa hadaladii uu ka dhawaajiyay ciyaarta ka dib taasoo walaac gelin doonta taageerayaasha Liverpool ee adduunka.

“Waxaan ku dhownahay bisha December, welina ma helin wax dalab ah si aan kooxda u sii joogo,” Salah ayaa u sheegay suxufiyiinta. "Waxay u badan tahay inaan dibadda uga maqanahay.

“Waxaad ogtihiin inaan kooxda ku sugnaa sanado badan, ma jirto koox sidan oo kale ah, laakiin ugu danbeyn kuma jirto gacantayda, sidaan horay u sheegay waa December, welina ma helin wax ku saabsan mustaqbalkayga. .

“Waan jeclahay taageerayaasha, taageerayaashu way i jecel yihiin, ugu dambaynta kuma jirto gacmahayga ama taageerayaasha gacmahooda, aan sugno oo aragno”.

Mohamed Salah

Salah oo la waydiiyay in uu ka niyad jabsan yahay wax qabad la’aanta Liverpool ayaa waxa uu qirtay: “Dabcan, haa, dhawaan ma doonayo in aan ciyaaraha ka fadhiisto sidaa darteed kaliya waxa aan ciyaarayaa, waxa aan diirada saarayaa xilli ciyaareedka waxana aan isku dayayaa in aan ku guulaysto horyaalka premier League. Waxaan rajeynayaa sidoo kale Champions League.

"Waan niyad jabay laakiin waan arki doonaa."

Waxa uu hadalkiisa sii raaciyay: “Aad ayaan u xirfad badanahay. Qof kastaa wuu arki karaa anshaxa shaqada. Kaliya waxaan isku dayayaa inaan ku raaxaysto kubbada cagta, waxaanan ka ciyaari doonaa heerka ugu sareeya ilaa inta suurtogalka ah. Kaliya waxaan sameynayaa intii karaankeyga ah sababtoo ah kani waa qofka aan ahay waxaana isku dayaa inaan wax walba u bixiyo nafteyda iyo kooxdaba. Waan arki doonaa wixii dhaca xiga.”

Salah ayaa weli si weyn loola xiriirinayaa inuu u dhaqaaqayo Sacuudiga, laakiin Masaarida ayaa diiday inuu ka hadlo wararka la isla dhexmarayo ee ku saabsan dhaqaaqiisa xiga.

"Ma doonayo inaan ka hadlo taas," ayuu ku nuuxnuuxsaday. "Waxaan diirada saarayaa kooxda hadda."