Tababaraha kooxda Manchester United ee Ruben Amorim ayaa ku adkaystay in aanu wax qoomamo ah ka qabin in uu Marcus Rashford ka tago shaxdiisa khamiista ee wareega sideed dhamaadka Carabao Cup-ka ee ay guuldarada kala kulmeen Tottenham Hotspur.
Rashford, oo qirtay rabitaan "tartan cusub" ka dib markii loo tuuray Manchester derby, ayaa gurigiisa ka daawaday iyadoo Spurs ay ku badisay 4-3, taasoo Alejandro Garnacho uu ka soo muuqday kursiga keydka ka dib markii sidoo kale la tuuray kulankii Derby.
Ciyaarta ka hor, Amorim ayaa la waydiiyay inuu sharaxo go’aankii uu kaga tuuray Rashford. Doorashada," ayuu u sheegay Sky Sports, Waxaan doortay ciyaartoydii aan dareemay inay diyaar u yihiin inay la qabsadaan shuruudaha ciyaar adag, waxaan isku dayaa inaan sawiro isbuuca oo dhan ka dibna aan doorto ciyaartoydeyda, kaliya dooro.
 |
| Marcus Rashford oo ka tagi kara Man United |
Waxa ay ahayd khatar aan halkan wax natiijo ah ka soo bixin, iyadoo United laga saaray koobka, laakiin Amorim ayaa ku adkaystay inaanu ka waaban doonin inuu go’aan la mid ah qaato mar kale fursad la siiyo.
Haddii aan dareemo inaan kooxda u qabanayo wax sax ah, weligeed khalad ma ahayn," tababaraha United ayaa hadalkiisa sii raaciyay. "Waa inaan sameynaa doorasho, ma ahayn qalad sababtoo ah waxaan dareemayaa inaan kooxda u qabanayo sida ugu fiican ee aan wax u arko.
Nimankii garoonka soo galay [Amad Diallo iyo Garnacho] ayaa bedelay ciyaarta.
Amorim ayaa si cad u sheegay inuu doonayo inuu Rashford ku sii hayo United, waxaana uu mar kale ku adkaystay inuu albaabku u furan yahay in si degdeg ah loogu yeedho kooxda.
Dabcan, waa ciyaaryahan Manchester United ah,” Amorim ayaa hadalkiisa kusoo gabagabeeyay. “Berrito waxaan heysanaa tababar, Marcus Rashford ayaa halkaas joogi doona, isagoo isku diyaarinaya kulanka soo socda, waxaadna arki doontaa xulashada.
0 Comments