Wararka xanta ah ee suuqa kala iibsiga ciyaartoyda: Man Utd oo dalab ka gudbisay Raphinha; Liverpool ayaa sare u qaaday xiisaha Tchouameni

Manchester United ayaa diyaar u ah inay bixiso lacag dhan €90m oo u dhiganta (£74.5m) si ay ula soo saxiixato weeraryahanka Barcelona Raphinha kadib codsi uga yimid maamulaha kooxda ee Ruben Amorim, kaasoo aaminsan in dalab weyn uu ku tijaabin karo kooxda La Liga ka dhisan. El Nacional – Spain

Waxaa sidoo kale lala xiriirinayaa inuu ka tagayo Barcelona xiddiga khadka dhexe ee Frenkie de Jong, kaasoo ka codsaday agaasimaha isboortiga Deco inuu aqbalo dalab kasta oo macquul ah suuqa kala iibsiga Janaayo. El Nacional –Spain

Manchester City ayaa ka niyad jabsan qaab ciyaareedka Jack Grealish, waxayna isku diyaarin doontaa inay dhageysato dalabyada u imaanaya xiddiga heerka caalami ee dalka England dhamaadka xilli ciyaareedkan. Insider football

Tababaraha kooxda Atalanta Gian Piero Gasperini ayaa ku qanacsan in xiddiga khadka dhexe ee Charles De Ketalaere uu u ciyaari doono midkood kooxaha Liverpool ama Real Madrid labada sano ee soo socota. (La Repubblica - Talyaaniga)

Everton ayaa u soo bandhigi doonta goolhaye Jordan Pickford “heshiis nololeed” si ay isaga difaacdo xiisaha kooxaha Barcelona, ​​Chelsea iyo Bayern Munich ee ku aadan goolhayaha England. (TBR Kubadda Cagta)

Arsenal ayaa xiiseyneysa saxiixa goolhayaha Boca Juniors Leandro Brey, 22. (Pasion Futbol – Argentina).

Crystal Palace iyo West Ham United ayaa loo soo bandhigay fursad ay kaga hormaraan Tottenham Hotspur tartanka loogu jiro saxiixa xiddiga khadka dhexe ee Juventus Nicolo Fagioli ka dib markii tababaraha Spurs Ange Postecoglou uu diiday inuu ogolaado u dhaqaaqista xiddiga heerka caalami ee dalka Talyaaniga. GIVEMESPORT

Newcastle United ayaa dalab weyn ka gudbisay daafaca dhexe ee kooxda Barcelona Eric Garcia bisha Janaayo. SPORT – Spain

Maamulaha Liverpool Arne Slot ayaa ogolaaday u dhaqaaqista ciyaaryahanka khadka dhexe ee Real Madrid Aurelien Tchouameni, iyadoo kooxda reer Spain la filayo inay tixgeliso dalabyada u imaanaya xiddiga reer France. (Fichajes - Spain)

Chelsea ayaa ku qasban inay iibiso 11 ciyaartoy bisha Janaayo si ay uga fogaato ganaax lacageed, Juventus ayaana isha ku heysa mid ka mid ah daafaca dhexe ee Benoit Badiashile. (La Gazzetta dello Sport – Italy)

Sidoo kale raadaarka Juventus waxaa ka mid ah daafaca dhexe ee AC Milan Fikayo Tomori. Tuttosport  Italy

Tababaraha kooxda Real Madrid Carlo Ancelotti ayaa u muuqda mid diirada u saaran kooxda Roma hadii kooxda La Liga ay doorato inay raacdo Xabi Alonso dhamaadka xilli ciyaareedkan. (La Gazzetta dello Sport – Italy

Aston Villa ayaa ogolaatay heshiis ku kacaya €8m (£6.6m) si ay ula soo wareegto daafaca Kasimpasa Yasin Ozcan. (Fanatik - Turkiye)

Kooxaha reer Brazil Palmeiras iyo Internacional ayaa ku tartami doona saxiixa daafaca bidix ee Celtic Alexandro Bernabei bisha Janaayo. (UOL Esporte - Brazil)

Kooxda River Plate ayaa xiriir la samaysay kooxda West Ham United iyaga oo ka doonaya saxiixa xiddiga khadka dhexe ee Guido Rodriguez. (TN - Argentina)

Everton ayaa isku diyaarinaysa in ay dib u soo celiso baacsiga ay ugu jirto garabka Galatasaray Hakim Ziyech kaas oo diiday fursad uu amaah ugu biiro Toffees sanadkii hore. (Jeunes Footeux - Faransiiska